Albisteak

Euskarazko produktuen kontsumoa bultzatzeko asmoz, ‘Euskaraz gozatu nahi dut’ kanpaina jarri du martxan Zestoako Udalak bigarren urtez. Egitasmoaren helburua, euskarazko kontsumoa bultzatzea da.

Joan den urtean jarri zen lehen aldiz martxan egitasmoa. Ordura arte, euskarazko produktuen katalogoa paperean bidaltzen zen etxe guztietara, baina katalogoa paperean banatzeari utzi eta estrategia eraginkorrago bat martxan jartzea erabaki zuen erakundeak.

Aurten ere katalogoa ez da paperean banatuko, baina horren ordez, hainbat ekintza antolatu dituzte Euskara eta Gazteria sailak Danbolinekin batera. Egitasmoaren helburua katalogoko produktuak herrira gerturatu eta ezagutaraztea da, eta besteak beste, ipuin kontaketak, jolasak eta ePELIan saioak izango dira.

Hemen egitaraua:

• Urriak 30, igandea: ePELIan saioa, arratsaldeko 17:00etan, Kultur Etxeko aretoan.
• Azaroak 2, asteazkena: Ipuin-kontaketa Ane Mendizabalekin, arratsaldeko 18:00etan, liburutegian (HH5 eta 1-2. zikloak).
• Azaroak 7, astelehena: Ipuin-kontaketa Alex Altolagirrerekin, arratsaldeko 18:00etan, liburutegian (HH3, HH4 eta HH5).
• Azaroak 10, osteguna: Ipuin-kontaketa Aya Benslaimanekin, arratsaldeko 17:30ean, liburutegian (HH4, HH5 eta 1. zikloko 1. maila).
• Azaroak 25, ostirala: Haurrentzat mahai-jolasak Barbantxorekin, arratsaldeko 17:00etatik 18:00etara, gaztelekuan.

Oharra: Ipuin-kontaketetarako eta mahai-jolasetarako aurrez izena eman behar da gaztelekuko 688 684 029 telefono zenbakian.