Ez al duzue oraindik film laburrik aurkeztu Portale Kultur Elkarteak antolatutako lehiaketan? Oraindik garaiz zaudete! 15 egun falta dira epea ixteko (ekainak 14 da azken eguna).

Irakurri ondo oinarriak eta animatu!

OINARRIAK:

– Taldean gutxienez zestoar batek parte hartu behar du.

– Zestoako bost leku hauen artean gutxienez bik agertu beharko dute filmean (Zestoako erdigunea -plaza, erdi kalea, kale okerra, laranjadi- Portale kulturgunea, Lau Iturri, frontoi bat eta auzoetako plazaren bat).

– Filmak gehienez 10 minutu izan ditzake.

– Edozein adinetako jendeak parte hartu ahal izango du.

– Film laburrek euskaraz izan behar dute.

– Talde bakoitzak nahi adina film aurkezteko aukera izango du.

– Irudi guztiek originalak izan beharko dute, alegia, taldeko partaideek grabatu edo sortutakoak eta edozein generotakoak onartuko dira: animazioa, dokumentala, komedia, drama…

– Filmak musikarik badu, baimendutakoa edo norberak sortua (copy right gabea) izan beharko du.

**ez badakizue baimendutako musika topatzeko nora jo, galdetu antolatzaileei eta lagunduko dizuete.

– Irudiak horizontalean grabatu beharko dira.

– Filmak .mp4, .mov edo antzeko formatuetan aurkeztu behar dira.

– Lanak portalekulturelkartea@gmail.com helbidera bidali beharko dira ekainaren 14rako (egun hau barne), Wetransfer, Drive edo antzeko plataformen bidez.

– Filma aurkeztearekin batera entregatu beharreko informazioa: lanaren izenburua, partaideen izen-abizenak eta kontaktuko email edo telefono zenbakia.

– Film guztiek aurreneko fotograma moduan 2 segunduz Portalek lehiaketarako prestatutako logo berezia eduki beharko du. Logoa albiste honen irudia da eta bertatik deskargatu daiteke.

– Behin film labur lehiaketan aurkeztutakoan, egileek Portale Kultur Elkarteari baimena emango diote behar duenerako irudiok erabiltzeko.

– Sariak:

1.go saria. 150€ + garaikurra

2. saria. 4 lagunentzako bazkaria Portale kulturgunean

3. saria. 4 lagunentzako hamaiketakoa Portale kulturgunean