Foru aldundia eta udaletxeak osatzeko hauteskundeak ospatu dira maiatzak 28an. Aspaldiko ohitura dut  Aizarnako mahaian  jasotzen diren emaitzak argitaratzea,   eta oraingoa   beste bat gehiago.

Demokraziak duen oinarri garrantzitsuena herriak bere agintariak aukeratzea da. Ez da nahitaezkoa bozkatzea, baina  denok  betebehar genukeen ekintza dela esango nuke. Baita agintariak aukeratzerakoan  parte hartu ez eta gero dena kritikatzen jarduteak ez duela zentzurik ere.

Frankismo edo diktadura garaia bizi izan dugunak, egun daukagun boto-eskubidea  askoz gehiago balioesten  dugu, nahiz eta azken urte hauetan  politikoekiko gizarteak duen  balorazioa murrizten joan.

Behar bada arrazoizkoa  izango da ikuspegi hau, aspaldian politiko batzuen jarrerak horretara bultzatzen baitu, baina ez dut uste gehiengo baten jarrera denik, herriaren alde lan bikaina egiten ari direnak ere bai baititugu  politikoen artean.

Herriak aukeratutako agintariek eredu izan behar lukete, baina gizakiak berekin dituen akatsak, hauek ere berekin daramatzatenez, gizaki arrunt  bati  baino gehiago ezin eskatu. Nahiz eta eredugarri ez izan gauza bat exijitu beharra daukagu berauei: udalak dituen baliabide ekonomikoak biztanleen izardiarekin eginak   direnez  egoki eta zuzen  bideratzea.

Oposizioan dauden  alderdiak ere badute  bere ardura  baliabide ekonomiko hauek  bideratzeko garaian.  Ideologiak alde batera utziz oposizio  eraginkor  bat egin eta  zangotrabak  alde batera uztea izango litzake nire ikuspegitik egokiena.

Dena den nire ikuspegiak eta aholkuak alde batera utzi eta   joan gaitezen emaitza hauei begirada bat egitera. Berauek irakurri  eta badirudi lehen lau urte hauetan  agintean egon den alderdiak aukeratuko duela berriz ere alkatea, beraz legislatura on bat  opatzea  besterik ez zait gelditzen. Zorionak!!!

                                     UDALETXEA OSATZEKO BOZKETA

     AIZARNAKO MAHAIA                                                           ZESTOA OSOAN                                                                 

     EHBildu—————-102                                               EHBildu——————-1060

     EAJ-PNV—————-35                                                 EAJ-PNV——————-493

     PSE-EE——————-4                                                 PSE—————————38

     ZURIAK——————9                                                 ZURIAK———————-62

                                    FORU ALDUNDIA OSATZEKO BOZKETA

AIZARNAKO MAHAIA                                                          ZESTOA OSOAN     

EHBildu———————92                                       EHBildu——————–946  

EAJ-PNV——————–45                                       EAJ-PNV———————569 

PSE-EE———————–3                                        PSE-EE————————47

ELK-PODEMOS————4                                       ELK-PODEMOS————–39

STOP————————-3                                        STOP—————————-9

PP—————————–0                                        PP——————————–4

ZURIAK———————-4                                        ZURIAK————————30   

Jon Egiguren