Albisteak
Foru Plazako konponketa lanen bigarren fasearekin hasi da Udala
— 2022-10-02Pasa den urtean Udala Foru Plazako zoruaren konponketa lanekin hasi zen. Torilen aurretik hasi eta Elizkalea parera arteko zatia konpondu zituen iaz. Emaitzarekin gustora geratu ziren eta aurten konponketen bigarren fasea egitea aurreikusi zen. Astelehenean hasi ziren konponketa lanak eta eliza aurrea, eraikinaren luzera guztian, Foru Plaza 3 zenbakiaren aurrealdea, Buruzurien oinarriak dauden lerroraino eta kanpandorre parean azken hilabeteetan atera den zuloa konponduko dira. Canteria Espiga izeneko enpresa ari da lanak egiten. Datozen urteetan beste zenbait fase aurrera eraman eta plaza guztia berritzea da Udalaren asmoa.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide