Albisteak

Galiziako Cies uharteetan ospatuko den Rande zeharkaldian hartuko du parte Ion Ulaziak

Zazpigarren aldiz antolatu duten Rande trabesia ekainaren 16an jokatuko da. Bost koloretako taldeak daude eta talde urdinean aterako da Ion Ulazia, azkarren egiten dutenen taldean (1:20). Guztira 95 igerilarik hartuko dute parte 27km-ko zeharkaldian.

Oso maila handiko igerilariek hartzen dute bertan parte. Ibilbidearen luzerak, korronteek eta uraren tenperatuak (13-15 gradu) zeharkaldi hau oso zorrotza egiten dute. Baina, horrexegatik, segurtasuna oso garrantzitsua da eta igerilariei laguntzen 35 kayak egongo dira, dozena bat inguru itsasontzi eta 150 bat bolondres. Igerilari guztiek boia bat eraman beharko dute eta baita geo-lokalizatzailea ere.

Cies uhartea eta San Simon uhartea arteko ibilbidea hiru zatitan bana daiteke; lehena, Cies irlatik Borneirako boiara, 10 km inguruko zatia, hortik igerilariak Rande zubira zuzenduko dira (22. km) eta bukatzeko San Simon irlako kalan sartuko dira, 27km-k osatuz.

 




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide