Albisteak
Gure Esku Dagok antolatutako “kriseiluen ekimena” atzeratu egin da
— 2015-12-29Zestoako Gure esku Dagok abenduaren 31rako “kriseiluen ekimena” antolatu zuen, baina ekimen hori atzeratu egin behar izan dute antolatzaileek. Kaleratu duten oharrean diotenez “azkenaldiko eguraldi lehorrak eta dabilen haizeak arriskutsu egiten dute kriseiluak aireratzea”. Izan ere, sute arriskua dela eta, Suhiltzaileek eta Gipuzkoako Foru Aldundiak kriseiluak ez aireratzea gomendatu dute.
Honela, Gure Esku Dagok ekimena udaberrira atzeratzea erabaki du. “Kriseiluen txartelak erosi dituzuenok gorde txartelak udaberrirako. Erabakia ulertuko duzuelakoan, barkatu eragozpenak” esanez amaitzen du Zestoako Gure Esku Dagok kaleratu duen adierazpena.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide