Albisteak
“Gurean” dokumentalaren emanaldia eta solasaldia antolatu du Gurea Kulturak ostegunerako
— 2025-04-01Gure Kulturaren antolakuntzapean, “Gurean” izeneko dokumentala ikusteko aukera izango da apirilaren 3an, ostegunez, Alonderoko aretoan. Emanaldia arratsaldeko 19:00etan hasiko da.
Dokumentala Askekintza elkarteak ekoitzi du; zuzendaritza, produkzio eta edizio lanak beraiek egin dituzte. Elkarte honek animalien eskubideen alde lan egiten du, eta dokumentala lau urtez grabatutako irudiekin osatua dago, gehienak ezkutuan hartutakoak.
“Gurean” dokumentalak Euskal Herriko jai ezberdinetan gizakiz besteko animalien erabilera erakusten du, ikuspegi kritiko batetik. Emanaldiaren ostean, Askekintzako kide ohia den Ion Cerezorekin solasaldia egiteko aukera ere egongo da.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide