Kaixo guztioi:

Aurtengo urtea ez da batere erraza izan, eta orain Gabonak ezin izango ditugu nahi bezala ospatu. Urte osoa zain egoten gara zuekin egon, eskutitzak jaso eta zuen etxeetara opariak eramateko. Aurten gauzak bestelakoak izango dira, baina gure gauak magikoa izaten jarraituko du. Ezin izango ditugu zuen eskutitzak aurrez aurre jaso, baina kaxa dotore bat jarriko dugu eliz atarian eta meza garaian zuen eskutitzak bertara botatzeko aukera izango duzue. Gogoratu, astelehenetik larunbatera arratsaldeko 18:00etan eta igandeetan 12:30ean. Ahaztu gabe bota eskutitzak, gure laguntzaileak jasoko dituzte eta. Urtarrilaren 5era arte izango duzue eskutitzak botatzeko aukera. Ondoren gure txanda iritsiko da, opariak eta ilusioa zabaduko ditugu etxez etxe zailtasun guztiei aurre eginez. Eta adi egon! Nola edo hala gure mezua jasoko duzue. Ez ahaztu! Errege Magoak gara eta Zestoako umeak gure lagunik kuttunenak zarete. Laster arte,

MELTXOR, GASPAR eta BALTASAR