Albisteak

Atzo, igandea,  mendi irteera antolatu zuten  Santa Engraziara Agiro Mendi Klubak eta Lagun Onak Mendi Bazkunak. Guraso eta haurrei zuzendutako irteera izan zen. Bai azpeitiarrak eta bai zestoarrak, 9:30ean irten ziren Gurutzetik, Galtzada eta gero Ipintzatik pasatzen den bidetik egin zuten ibilbidea. Zestoatik 40 bat lagun joan ziren eta Azpeititik 60 inguru. Santa Engrazian, haurrentzako jolasak egin zituzten. Salda beroa hartu eta nahikoa jolastuta, Aizarna aldera abiatu ziren bide zaharretik. Azpeitiarrak Aizarnan geratu ziren bazkaltzen, paella zuten prestatuta. Zestoarrak, berriz, batzuk goian geratu ziren, beste batzuk etxera eta taldetxoren batek Aizarnan bazkaldu zuen.

Lagun Onakek aspalditik antolatzen du egun hau. Ikusita, Zestoatik irteten zirela, orain dela 5 bat urte Agirok elkartu beharra zegoela pentsatu zuen. Bi herrietako haurrek eta gurasoek harremanak estutu eta gaztetxoenei mendizaletasuna bultzatzeko aukera bikaina.