Albisteak
Haurrentzako futbol eskolak antolatu dituzte datorren ikasturterako
— 2022-06-23Datorren ikasturterako haurrentzako futbol eskolak antolatzen ari da guraso talde bat. Alebinek (2011-2012 urtean jaiotakoek) eta benjaminek (2013-2014 urtean jaiotakoek) hartu ahal izango dute parte. Saioak asteazkenero egingo dituzte, arratsaldeko 17:00etatik 18:30era bitartean, Iraetako futbol zelaian.Ume bakoitzak 120 euroko kuota ordaindu beharko du parte hartzeko. Antolatzaileek jakinarazi dute ekipamendua aparte ordaindu beharko dela baina aurtengoak balioko duela. Hala behar izanez gero, kuota ordaintzeko erraztasunak emango dituztela ere azaldu dute.
Bestalde, antolatzaileek gogorarazi dute eskoletan parte hartzeko umeak eskola kirolean izena emanda egotea ezinbestekoa izango dela, diputazioak hala eskatzen duelako. Izen ematea abuztuan egingo dute, baina parte hartzeko asmoa dutenek aurrez jakinaraztea eskatu duteĀ antolaketa errazteko. Horretarako 646 41 64 84 edo 615 75 13 72 zenbakietara mezu bat bidali beharko da.
Egin zaitez bazkide