Albisteak

Hauteskunde-propaganda etxera iristeari uko egiteko esku-orriak harrera bulegoan

— 2019-09-27

Zestoako Udaleko harrera bulegoan eskuragarri egongo dira uko egiteko eskuorriak, propagandari uko egin nahi dioten herritarrek erraztasuna izan dezaten.

Espainiako Estatistika Institutuaren (INE, gaztelaniaz) webgunearen bidez ere egin daiteke kudeaketa, baina interneten moldatzeko zailtasunak dituzten herritarrek edota paperean egitea nahiago dutenek udaletxeko harrera bulegoan egin ahal izango dute.

Datozen Espainiako hauteskunde orokorrak azaroaren 10ean izango dira eta propagandari uko egiteko tramitea urriaren 5a baino lehen egin beharko da. Behin herritarren orriak jasota, udala arduratuko da dagokion lekura bideratzeaz.

Tramite hau eginda, alderdi politikoei bidaltzen zaizkien zerrendetatik kanpo geratuko litzateke herritarra eta, ondorioz, ez luke hauteskunde-propagandarik jasoko etxean. Dena den, beti izango luke aukera izapide beraren bidez berriz propaganda jasotzen hasteko.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide