Albisteak

Helduentzat ipuin kontaketa saioa egingo da Dorleta Kortazarren eskutik apirilak 17an

— 2024-04-06

Ipuinaren Egunak egitarauaren barruan, helduentzako ipuin kontaketa egingo da, apirilaren 17an, kultur etxeko aretoan, arratsaldeko 19:00etan.

Dorleta Kortazar izango da ipuin kontalaria, eta 80 amandre izeneko lana kontatuko du.

Ipuinak garai desberdinetako emakumeen arteko loturari buruzko gogoeta egiten du, amandreak lekuko erabiliz. Jorge Oteizak iragana eta oraina lotzeko 80 amandre aipatzen zituen bitartean, egileak lau baino ez ditu behar izan. Amandre hauek ametsak, nahiak, lana eta tristurak dituzten emakumeen istorioak irudikatzen dituzte, zailtasunak zailtasun munduari irribarre egiten dioten amonak barne.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide