Albisteak
Igandeko Herri Urratsera joateko txartelak erosteko azken eguna gaur, asteazkena
— 2024-05-08Aurtengo Herri Urratsako leloa “Ostadarra” da. Antolatzaileen esanetan, “Herri Urratsi itsatsirik daude eguzkia eta euria. Bietako bat protagonista izan ohi da urtero. Batzuetan biak batera ere etorri izan dira, eta haiekin ortzadarra. Usu negar egin behar izan dugun arren, baikorrak gara, eta ortzadarrak islatzen du baikortasun hori. Ortzadarra irteten denean, ematen du indar bat, ematen du zoriontasun bat, sortzen du irribarre bat. Hori da, aurtengo leloarekin eman nahi dugun mezuetako bat. Ortzadarra, ostadarra, uztadarra, ostabarra, ostarkua… gauza berari deitzeko hamaika izen, eta horiekin baita Erromako zubia ere. Hori ere irudikatzen baitu ortzadarrak: zubi bat da. Ikastolak, berriz, zubigileak gara, bokazio hori daukagu. Gure arteko harremanak eraiki ditugunean, gertukoenen artean bezala, lurralde desberdinen artean, zubiak eraiki ditugu euskara izanik lehengai. Eta zubiak eraiki ditugu, gu bezala, hizkuntza gutxituetan mintzo diren herriekin ere. Zubiek batu egiten dute eta guk batasun hori ere islatu nahi dugu aurtengo leloarekin. Ortzadarrak aniztasuna ere esan nahi du. Aniztasuna irudikatzen dute bere koloreek. Eta ikastolok kolore guztiak nahi ditugu. Aniztasuna koloreetan baina batasuna ere bai, denak bat eginda ageri direlako zubi ere baden egitura horretan. Aniztasuna eta batasuna, beraz, gure hizkuntza den bezala”.
Hemen egitaraua:
Egin zaitez bazkide