Albisteak
Ignacio Fouillouxek Munduko Pilota Txapelketa jokatuko du Txileko selekzioarekin
— 2022-10-24
Ignacio Fouilloux, Asdrubal Monsalve entrenatzailea eta Mikel Zuloaga
Ignacio Fouilloux Zestoako bizilagunak Munduko Pilota Txapelketa jokatuko du Txileko selekzioarekin. Ezker paretako modalitatean hartuko du parte Fouillouxek, Mikel Zuloaga bikotearekin batera. Fouilloux aurrelaria da, eta Zuloaga, atzelaria. Gaurtik ostiralera bitartean jokatuko dira partidak, Baionan eta Biarritzen. Finala, berriz, larunbatean jokatuko da.
Urtebete baino gehiago darama Fouillouxek Zumarragan entrenatzen, Beloki elkarteko pilotariekin. Munduko txapelketako prestaketa lanak ere bertan egin ditu, Asier Oliveira, Mikel Rodriguez, Iker Aleman eta Jon Urtzelai pilotariekin eta Asdrubal Monsalve entrenatzailearekin.
Irakurle, gure webgunean albiste hau irakurri baduzu, publizitate eta
erakundeen diru laguntzez gain, urtero 30 euroko diru ekarpena egiten
duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure
ekarpena egiten jarraitu nahi dugu. Proiektua sendotzen lagundu nahi
baduzu, egin zaitez bazkide.
Egin zaitez bazkide
Egin zaitez bazkide