Albisteak

Ikasturte amaierako festa antolatu du ostiralerako Ekain Guraso Elkarteak

— 2024-06-19

Ostirala izango da Zestoako eskolako ikasleen azken klase eguna. Arratsalderako Ekain Guraso Elkarteak, hainbat ekintza antolatu ditu arratsaldea festa giroan pasatzeko.

18:00etan Talent Show-a egingo da udaletxe azpian, eta izozkiak dastatzeko aukera izango dute bertaratutako umeek. 19:00etan jolasak egingo dira, eta antolatzaileek zikintzeko arropa, bainujantzia eta aldatzeko erropa eramatea gomendatu dute. Festari amaiera emateko, kultur etxearen aurreko plazan apar festa egingo da.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide