Albisteak

Inauterietako egitaraua jakinarazi du Udalak

— 2019-02-20

Martxoko lehen egunetan kolorez beteko dira herriko kaleak. Jada hasiak izango dira asko inauterietako mozorroak prestatzen eta beste askoke azken momentuan edozein trapu zaharren bila jardungo dute. Urtero legez, larunbatean eta asteartean ospatuko dira inauteriak Zestoan eta Udalak egun horietarako prestatu duen egitarauaren berri eman du:

Martxoak 2, larunbata:

17.30 – Desfilerako izen-ematea.

18.00 – Umeentzako mozorro desfilea Udaletxeko arkupetan. Photo call-a egongo da mozorrotutako jendeari argazkiak ateratzeko.

20.00 – Imanol DJ, arkupetan.

23.00 – Imanol DJ, arkupetan.

Martxoak 5, asteartea

16.30 – Txokolatada, Gure Txokoa elkarte inguruan, Ekain Guraso Elkarteak antolatuta. Ondoren, musika ikuskizuna, arkupetan, Ekain Guraso Elkarteak antolatuta.

Zestoako Udalak eskerrik beroenak eman nahi dizkie festa hauen antolakuntzan dabiltzan denei, baina batez ere egitarau honetan aipatzen ez diren kuadrilla eta pertsona anonimo horiei; horiek dira-eta festa hauen benetako antolatzaileak.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide