Albisteak
Irailaren 28an hasiko du ikasturtea irakurle taldeak
— 2023-08-01
Irailaren 28an hasiko du ikasturtea Zestoako irakurle taldeak, Pako Aristi idazlearen gidaritzapean. Joan Mari Irigoienen Kalamidadeen liburua lanarekin emango diote hasiera saioei. Ekainera bitartean, hileko azken ostegunetan bilduko dira, irakurri duten liburuaz hitz egin eta hausnartzeko. Hilean liburu bat irakurtzen dute, euskaraz eta taldean parte hartzea doakoa da.
Taldean parte hartu nahi dutenek, mezu bat bidali beharko dute liburutegia@zestoa.eus helbidera edo iraliaren 1etik aurrera liburutegira gerturatu edo 943 147 816 zenbakira deitu. Ikasturtean zehar taldean sartzeko aukera ere dago.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide