Albisteak
Irakurzaletasuna sustatzeko formakuntza saioa izango da bihar Arroabean
— 2025-03-31
Argazkia: Dorleta Kortazar
Apirilaren 23an ospatuko den Liburuaren Nazioarteko Eguna dela eta, herriko hainbat eragilek elkarlanean Hitzetik Loratu izeneko egitaraua antolatu dute. Bihar egingo den ekitaldia, Gipuzkoako Eskola Txikietako Guraso Elkarteen Koordinakundeak, Arroako Eskolak eta Sakulupe Guraso Elkarteak jarri dute martxan, hain zuzen ere.
Egitarauaren baitan, Dorleta Kortazar izango da hizlari “Irakurzaletasuna sustatuz” izenburuko formakuntza saioan. Saioa bihar izango da, asteartea, Arroabeko Eskolan, arratsaldeko 17:00etan. Guraso eta irakasleei zuzendutako saioa izango da, irakurketarekiko zaletasuna pizteko eta sustatzeko asmoz.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
