Albisteak
“Irikaitz denbora lerroa” aurrera eramateko lanak ekainean hasiko direla aurreikusten du Udalak
— 2024-05-10Atzo amaitu zen “Irikaitz denbora lerroa” aurrera eramateko lizitazioa. Bi enpresa aurkeztu dira eta Udalak hurrengo 15 egunetan erabakiko du horietako nork burutuko duen, Zubiarre futbol zelaia zegoen tokian, kokatuko den proiektua.
Irikaitzekoa da Euskal Herrian dugun ondare arkeologiko indartsuenetarikoa, Kantauri isurialdeko datazio zientifiko zaharrena duen aurkikuntza arkeologikoa.
Zestoako ondarean barrena bidaia egiteko aukera eskaintzen duen bi ibilbideko aisialdirako instalakuntza izan nahi du, non bizikleta, monopatin edo mikropatinak erabiliz Zestoako hainbat gune arkeologikoetatik ibilbidea egin ahal izango den. Horrez gain, instalakuntzaren kanpo aldetik oinezkoentzat ere ibilbide bat prestatuko da.
Irakurle, gure webgunean albiste hau irakurri baduzu, publizitate eta
erakundeen diru laguntzez gain, urtero 30 euroko diru ekarpena egiten
duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure
ekarpena egiten jarraitu nahi dugu. Proiektua sendotzen lagundu nahi
baduzu, egin zaitez bazkide.
Egin zaitez bazkide
Egin zaitez bazkide