Albisteak

NiMú konpainiaren eskutik ‘Jacuzzi’ ikuskizuna eskainiko da Arroabean. Hitzordua datorren ostiralean, hilak 13an, arratsaldeko 18:00etan izango da.

Xandra Gutiérrezek zuzendu eta antzezten du lan hau, 40 minutuko iraupena du eta mota guztietako ikusleei zuzenduta dago. Kale antzerkia Zestoako Udalak antolatu du eta Eusko Jaurlaritzaren Kulturaren eta Hizkuntza Politika Sailaren dirulaguntza jaso du.

Antzezlanaren aurkezpen testuak honela dio: “Nora doaz burbuilak? Oraintxe agertzen dira edalontzi txiki batean, oraintxe zabaltzen dira libre-libre gainazal handietan… Urak eskaintzen dizkien aukera mugagabeekin harrituta, Jacuzzi bat sortzea erabaki du niMu konpainiak. Oinetarako Jacuzzi bat! Ez dakiena da burbuilak oso urrutira iristeko gai direla, baita bereganatzen ausartzen denaren bihotz-bihotzeraino ere… Soka malgua, objektuen manipulazioa, Clown…”