Albisteak

Jurdan Arakistain 2020ko Etorkizuneko Kirolari izendatu dute

— 2020-07-22

2020ko Etorkizuneko Kirolarien zerrenda argitaratu du Gipuzkoako Foru Aldundiak eta bertan da Jurdan Arakistain herritarra. Guztira, hamar kirolari izendatu dituzte kirol egokituko atalean aletismoa, slaloma, boccia eta igeriketa kirol modalitateetan. Jurdanek, 2019ko urtarrilean, ‘Etorkizuneko paralinpikoen Axa igeriketa txapelketa’-n egindako denborei esker lortu du izendapena. Bigarren postua eskuratu zuen “100m bizkar” modalitatean eta hirugarren sailkatu zen “50m libre” eta “50m bizkar” probatan, S14 kategorian.

Etorkizuneko kirolari izendatzeak ondorengo onura hauek ditu kirolarientzat:

Etorkizuneko kirolarien komunitateko kide izatea.
Jardunaldi eta topaketa komunitarioetan parte hartzea (Kirol Experience).
Saio informatiboak ikasketa, psikologia eta nutrizio arloetan.
Onurak unibertsitateko eta unibertsitateaz kanpoko ikasketetan.
Kirola eta ikasketak bateratzen laguntzea.

Argazkia: Eibar Igerixan Kirol Kluba

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide