Herri Ikastetxeko “txanpinoiko” eraikineko irakasleek kontatu digute festen ondoren irakasle, haur eta gurasoak eskolara iritsi eta jolastokia zikin-zikin eginda topatu dutela. Paperak, poteak, pintadak, su arrastoak … Udaletxeko langileei abisatu eta berehala garbitu dute, bestela ez zegoen haurrak bertan jolasteko moduan. Pena bat da garbitu aurretik ez argazkirik atera izana, zerri eginda zegoen. Pintadak oraindik ez dituzte garbitu. Badirudi herriko gaztetxoak izan direla. Izan gaitezen eredu eta kontzientzia ditzagun gazteak, denon espazioak norberarenak bezala zaindu behar ditugula.