Albisteak

Kasu bakarra zenbatu du Osakidetzak Zestoan

Positibo bakarra zenbatu du Osakidetzak herrian atzo egindako PCR eta antigeno frogetan. Zestoa kokatuta dagoen osasun eremuko (Zestoa – Zumaia – Getaria) intzidentzia tasa metatua 500etik beherakoa dela jakinarazi zuen atzo osasun agintaritzak eta hori dela eta, Zestoa eremu gorritik laranjara pasa da. Gaurtik aurrera ostalaritza jarduera baimenduta dago, baita eskola kiroleko entrenamenduak eta talde kirola ere. Osasun Sailak gaur emandako datuen arabera, 465,51ko intzidentzia tasa du gaur Zestoako osasun eremuak.

Eskualdean, 20 kasu zenbatu dituzte, atzo baino bi gutxiago. Azpeitian, Orion eta Zarautzen atzeman dituzte positibo gehienak: bost herri bakoitzean. Azpeitian eta Orion eremu gorrian jarraitzen dute, 1.000tik gorako intzidentzia tasarekin. Azkoitian eta Zumaian kasu bana zenbatu dituzte eta eremu laranjan daude biak. Aian, beste bi kasu zenbatu dituzte eta Beizaman, Errezilen, Getarian eta Aizarnazabalen, berriz, ez dute positiborik atzeman.

 




https://danbolin.eus/wp-content/uploads/2024/05/azokad_Mesa-de-trabajo-1-scaled.jpg