Albisteak

Abiatu da 24. Korrika Atharratzetik, eta datorren igandera bitartean herriz herri ibiliko da euskararen aldeko marea erraldoia. Aurtengoan, bi aldiz zapalduko ditu Zestoako lurrak: martxoaren 25ean Arroabetik igaroko da, eta hilaren 28an herrigunera iritsiko da.

Lehendabizi, ordea, aizarnarren txanda izango da, izan ere, bihar arratsaldean egingo dute Korrika Txikia. 14:45ean abiatuko dira eskolatik, eta auzoko txikienek korrika zeharkatuko dute auzoa.

Arroabean eta Zestoan ere antolatu dute Korrika Txikia. Datorren asteazkenean, Korrika nagusia Arroabera iritsi aurretik, 16:00etan eskolatik plazarainoko ibilbidea egingo dute haurrek. Zestoan, berriz, goizez ospatuko dute egun bat beranduago.