Albisteak

La Cetra Baroque Orchestra & Vocalconsort Basel-en kontzertura joateko autobusa doan izango dute zestoarrek

Zestoako Udalak Kursaal Eskura egitasmoan parte hartuko du eta oraingoan, La Cetra Baroque Orchestra & Vocalconsort Basel-en Nekaldia San Joanen arabera (Bach) kontzertura joateko autobusa doan izango dute zestoarrek martxoaren 19an. Kontzertua 19:30ean hasiko da eta kontzertura joan nahi duten herritarrek, sarrerak eurek erosi beharko dituzte. Behin sarrerak erosita autobuseko tokia erreserbatu beharko dute, honako telefono zenbakietara deituz 943147010 (8 luzapena) edo 688 735 652; edo kultura@zestoa.eus epostara idatziz.

Proiektu honen helburua Kursaal Zentroak antolatzen dituen hainbat kontzertu eta ikuskizunetara joateko herritarrei erraztasunak ematea da, eta horretarako doako autobus zerbitzua eskaintzen da.