Albisteak

Larunbatean izango da Gaztetxearen 35. urtemuga eguna

— 2024-04-23

Datorren larunbatean, apirilak 27, gaztetxearen 35. urteurrenaren ospakizuneko egun handia izango da. Jardunaldiari hasiera emateko, Ertxiña mendira igoera egingo da 10:00etan, eta, ondoren, hamaiketakoa gailurrean, energiaz bete eta ikuspegiaz gozatzeko. 14:30ean, bazkaria izango da, gaztetxean. Tiketak Fati tabernan eros daitezke 10 euroko prezioan. Arratsaldean, 19:00etatik aurrera, “Hamarru” elektrotxarangak joko du, eta, ondoren, kontzertuak izango dira 22:00etan, Enbata Lorade, Etxekalte eta Bassagain taldeekin.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide