Albisteak
Lasaoko sanmartinak ate-joka
— 2021-11-04Azaroaren 7,11,12 eta 13an ospatuko dira aurten Lasaoko Sanmartin jaiak. Igande goizean emango diete hasiera festei, Lasaoko produktuen eta animalien azokarekin. Idiakaitz txistulari taldekoak ere bertan izango dira eta kalejira egingo dute Lasaoko erraldoi eta buruhandiekin. Eguerdi aldera, umeek txupinazoa bota eta argazki erraldoia aterako dute eta ondoren, gaztetxoentzako bazkaria egingo dute. Arratsaldean, berriz, haurrentzako puzgarriez eta txokolatada eder batez gozatzeko aukera izango da.
Azaroaren 11n jarraituko dute ospakizunekin. Meza nagusia izango da goizean eta ondoren, auzoko jubilatuek hamaiketakoa egingo dute. Txupinazoa hilaren 12an botako dute. Egun horretarako Jone Uria eta Andoni Egañarekin bertso afaria antolatu dute eta ondoren, Hitzeder eta Txibilter trikitilariek alaituko dute giroa. Festak amaitzeko, azaroaren 13an Manitou eta Istilu taldeek kontzertuak eskainiko dituzte Frointoi-Hotz Fest ekimenaren barruan.
Egitaraua:
Azaroak 7, igandea
11:30. Lasaoko abere eta nekazal produktuek azoka-erakusketa. Ioritz eta Iraitz Arsuaga trikitilari eta erraldoi eta buruhaundiekin.
SALDA BADAGO
Ondoren. Umeen txupinazoa eta argazki erraldoia eta gaztetxoentzako bazkaria.
16:00. Frontoian haurrentzako puzgarriak.
17:00. Txokolatada.
Azaroak 11, osteguna
11:00. Meza nagusia
11:30. Auzoko jubilatuentzat hamaiketakoa
Azaroak 12, ostirala
20:00. Txupinazoa
20:30. Bertso afaria (Jone Uria eta Andoni Egaña)
Ondoren. Trikitilariak (Hitzeder eta Txibilter)
Azaroak 13, larunbata:
Frontoi-hotz fest
19:30. Txosna irekiera (ogitartekoak eta edaria)
20:30. Manitou taldearen kontzertua.
21:30. Istilu taldearen kontzertua.
Egin zaitez bazkide