Albisteak
‘Lasterbidean’ ekimenean korrikalari zestoarrek parte hartu dute
— 2017-06-05Igandean ospatu zen Lasterbidean ekimena Oñatin (Gipuzkoa). Zestoako hainbat korrikalarik hartu zuten parte ekimenean, eta taldeko argazkiak bidali dizkigute.
“Euskal errepresaliatu politikoen eta euren senideen eskubideen aldeko nazio elkartasun lasterketa” da Lasterbidean. “Lasterketan emandako urratsak, elkartasun keinu bihurtzea” da ekimenaren helburua. Ekimen horren 5. edizioa izan da Oñatin egindakoa.
Korrikalarien modalitatean lasterketa luzea eta motza jokatu ziren, eta patinetako lasterketa ere jokatu zen. Guztira 740 korrikalari inguruk hartu zuten parte ekimenean.
Irakurle, gure webgunean albiste hau irakurri baduzu, publizitate eta
erakundeen diru laguntzez gain, urtero 30 euroko diru ekarpena egiten
duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure
ekarpena egiten jarraitu nahi dugu. Proiektua sendotzen lagundu nahi
baduzu, egin zaitez bazkide.
Egin zaitez bazkide
Egin zaitez bazkide