Albisteak

Lore jangarri eta kimuei buruzko tailerra izango da ostegunean Iraetako baratzetan

— 2019-05-07

Udalak eta Kutxa Ekoguneak elkarlanean antolatuta, lore jangarri eta kimuei buruzko tailerra izango da datorren ostegunean, hilak 9, Iraetako baratzen gunean. Arratsaldeko 18:00etatik 20:00etara izango da hitzordua eta saioa doakoa izango da. Sukaldaritzan loreak eta broteak geroz eta gehiago erabiltzen direla azaldu dute antolatzaileek eta zein modutan erabil daitezken ikasteko aukera izango da osteguneko saioan. Tailerraz gain, Furgobaratza ere bertan izango da eta baratzen inguruko aholkularitza zerbitzua eta hazi ekologikoak eskainiko dituzte.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide