Albisteak
Lur-jausia izan da Iraetako bidegorrian
— 2021-11-29Euriteek lur-jausia eragin dute Iraetako bidegorrian. Bigarren tunela pasata (Zestoatik Iraetara noranzkoan) gertatu da luizia. Udaletxeko langileak garbiketa lanak egiten aritu dira goizean zehar baina bihar arte bidea itxita egongo dela jakinarazi dute.
Ibaia, indarrez
Euri jasen ondorioz, indartsu dator Urola ibaia. Gainezka egiteko zorian dago zenbait puntutan. Sastarraingo bidea, menditik datorren urak hartu du zenbait zatitan, Olalde baserri aurrean, esaterako. Horrez gain, Sastarrain errekak gainezka egin du hainbat puntutan. Hala ere, arratsalderako euri-zaparradak gutxituko direla iragarri du Euskalmetek.
Ibaiaren hainbat argazki:
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide