Albisteak
Maddi Alberdik irabazi du ‘Preziyo juxtua’ lehiaketa
— 2020-10-28Maddi Alberdik asmatu du merkatari elkarteko dendetako produktuez osatutako otarraren prezioa. Zestoa, Azpeiti eta Azkoitiko merkatari elkarteek antolatu dute lehiaketa elkarlanean, herriko merkataritza dinamizatzeko asmoz. 804,24 eurotakoa da otarraren prezioa eta Alberdi gerturatu da gehien, 804,00ko preziorekin. Zestoan, guztira, 1.760 prezio jaso ditu merkatari elkarteak eta zifra horrekin “oso gustura” daudela azaldu dute. Herritarrei herriko saltokietan erosketak egin eta lehiaketan parte hartzeagatik eskerrak eman nahi izan dizkiete eta herriko merkataritzak duen garrantzia nabarmendu nahi izan dute.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide