Maiatza bukatu aurretik Zentroko eraikina uztea exijitu dio Donostiako Gotzaindegiak Zestoako Gazte Asanbladari. Zentroa “beren kabuz” uzten ez badute, Elizak bide judizialarekin aurrera jarraitu eta beste salaketa bat jarriko duela jakinarazi du asanbladak. Era berean, Elizak negoziatzeari uko egiten jarraitzen duela salatu du.
Honen aurrean, “Zestoako Gaztetxeak zein izan behar duen” argi dutela azpimarratu dute asanbladako kideek, eta bide horretan “borrokan” jarraituko dutela gaineratu dute.