Azaroa 2025
— 2025-12-03Irakurri 276. zenbakia hemen.
Albisteak
Matrikulazioa zabalik irailaren 22ra arte Zestoako AEK euskaltegian
Danbolin— 2016-09-142016/2017 ikasturtea hastear da Zestoako AEK euskaltegian. Kurtso horretarako matrikulazioa zabalik dago irailaren 22ra arte. Zestoako AEK euskaltegiak eskaintza zabala du ikasleentzat, oinarrizko mailatik mailarik gorenerainoko eskaintza.
Euskaltegiak Zestoako Kultur Etxean duen bulegoaren ordutegia: 10:00-13:00 / 17:00-20:00. Gainera, Zestoan erroldatuta dauden ikasleentzat eskaintza berezia dago aurten ere: %80ko asistentzia izaten badute, Udalak matrikularen %100 itzuliko die ikasle horiei.
Hemen dituzue matrikularen xehetasunak:
Matrikula prezioa:
- Zestoan erroldatuta daudenak: 100€
- Zestoan erroldatuta ez daudenak: aurrez aurreko ikastaroa 459€, Autoikaskuntza 645€
Egutegia:
- Aurrez aurreko ikastaroa (270 ordu): eskolak urritik ekainera, astelehenetik ostegunera 2 ordu egunean, astean 8 ordu.
- Autoikaskuntza (190 ordu): urritik ekainera, astean 4-5 orduko lana etxean, ordu erdiko tutoretza bat eta ordu eta erdiko mintza-saio bat.
Bekak:
Zestoako Udalak matrikularen %100 itzuliko die baldintza hauek betetzen dituzten ikasleei:
- Zestoan erroldatua egon.
- Asistentzia %80 gutxienez.
Matrikula itzulketak:
Ikaslea baja denean, matrikula itzultzeko baldintzak:
- Ikastaroa hasi baino lehen, matrikularen %100 itzuliko da. Ikastaroaren orduen %3 emanda egon baino lehen, %90 itzuliko zaio.
- Ikastaroaren orduen %6 emanda egon baino lehen, %50 itzuliko zaio.
- Ikastaroaren orduen %6 emanda egon eta gero, ez dago itzulketarik.
Jaso gabeko orduei dagokien matrikula 16-17 ikasturtean beste ikastaro batean matrikulatuz gero, deskontatu egin ahal zaio. Baja, ikaslearen abisua jasotzen den momentutik hartuko da kontuan.
Zestoako AEK euskaltegiarenkin kontaktatzeko joan Kuktur Etxean dagoen bulegora, deitu 670 420 048 zesnbakira edo idatzia zestoa@aek.eus helbidera.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
IRUZKINDU