Albisteak

Mendi irteera antolatu du Agirok larunbaterako

— 2021-04-12

Mendi irteera antolatu du Agiro Mendi Klubak larunbat honetarako. Ertxin mendiko zenbait meatzeen sarrera ikusteko bide bat berreskuratu dute eta bertatik egingo dute ibilbidea. Guztira, 8,5 kilometroko bidea egingo dute: Zestoa-Akoa-Kalbario-Punta-Autzo Gaina-Ertxin-Zestoa. Goizeko 9:00etan izango da irteera, Gurutzetik.

Parte hartu nahi dutenek apirilaren 15a baino lehen eman beharko dute izena, eskolan. Covid-19arekin lotutako segurtasun neurri guztiak beteko direla azpimarratu dute Agiroko kideek. Ibilbide guztian musukoa jantzita izatea derrigorrezkoa izango dela gogorarazi dute.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide