Opor giroan gaude eta lanerako gogo handirik ez daukat. Ondorioz, “Aztarka” honetan behin ere egin ez dugun gauza bat egitea bururatu zait: galderak bakarrik egitea. Erantzunak, batzuk badakizkit baina beste batzuk ez. Dakizkidanak opor bueltan kontatuko dizkizuet. Kontuan hartu argazkiari sakatzen badiozue, pixka bat handiago ikusteko aukera izango duzuela. Hara, galdera sorta:

• Noizko argazkia ote da (zein hamarkadatakoa)? Erreparatu gurdiari batez ere, edota lurrari.
• Non dago aterata, alegia, zein tokitan daude gure neskatoak? Erreparatu etxeen itxurari.
• Herrikoak ote dira edo kanpokoak (urzaleak)? Ez dut uste gaur egun biziko direnik baina, agian, beren seme-alabak biziko dira eta horien antza izango dute.
• Zer nolako aldaketak izan ditu lekuak, gaur egungo itxurarekin konparatuta?

Abenduaren erdi aldera izango dugu elkarren berri.

Post scríptum: Luzeegi idazten dudan kexa iristen zait askotan eta, beraz, hemen motz askoa!