Oinarrizko produktuen bilketa handia egingo da gaurtik larunbatera bitartean

— 2024-12-13

Eskualdeko 200 pertsonatik gorari laguntzeko asmoz, supermerkatuen atarian egongo gara hiru egunez olioa, esnea, pasta, dilistak edota pixoihalak biltzen.

Gaurtik larunbatera bitartean oinarrizko produktuen bilketa handia egingo dugu herriko hainbat supermerkaturen kanpoaldean. Olioa, esnea, pasta, arroza, dilistak, babarrunak, tostadak, kumuneko papela, pixoihalak eta konpresak jasoko ditugu.

Orain dela lau urte jarri genuen martxan Oinarrizko Produktuen Biltegia Esklabak Zentro Sozialistan. Hilabetero Azpeitiako, Azkoitiako eta Zestoako 200 pertsonatik gora dira proiektu honen bidez lehengaiak jasotzen dituztenak, eta biltegia martxan jarri genuenetik 120 familiatik gora dira laguntza hau jaso dutenak.

Oinarrizko Produktuek Biltegia Esklabak Zentro Sozialistan aurkitzen da, eta hartzaileak bertara gerturatzen dira produktuak jasotzera; gerturatzeko zailtasunak dituztenei, berriz, produktuak etxera ematen dizkiegu boluntarioen bidez. Azpimarratzekoa da, proiektu honi ezinbesteko laguntza ematen dietela hilabetero laguntza ekonomikoa ematen dieten norbanakoek nahiz urtean zehar egiten ditugun hiru bilketa handietan euren ekarpena egiten duten herritarrek.

Youtubeko linka: https://youtu.be/yzVQwpUJPyQ

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide