Albisteak

Oriora egindako ibilaldiarekin amaitu du kurtsoa 3. adineko taldeak

— 2017-06-23

Urtero moduan, 3. adineko taldeak txango eder batekin eman dio amaiera kurtsoari. Aurreko astean, Oriora joan ziren eta bertan 6 kilometro inguruko ibilaldia egin zuten. Ibilbidean zehar, hainbat kirol jarduera egin zituzten, beheko argazkietan ikus daitekeen moduan.

Emiliano eta Amadeoren eskutik hamaiketako ederra egiteko aukera ere izan zuten. Ibilaldiari amaiera emateko Orioko Udaletxea bisitatu zuten.

Zestoako taldeak Oriora joan-etorria autobusez egin zuen eta Arroako taldeak trenez. Ibilaldi honekin 2016-2017 kurtsoa amaitu du 3. adineko taldeak eta irailean elkartuko dira berriz.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide