Albisteak

Ostegun arratsaldean iritsiko dira Errege Magoak Arroabera eta Zestoara

— 2023-01-03

Ohiturari jarraiki, urtarrilaren 5ean iritsiko dira Errege Magoak Arroabera eta Zestoara. Arroara trenez iritsiko dira Meltxor Gaspar eta Baltasar, arratsaldeko 18:30ean. Tren geltokitik estaziora jaitsiko dira haurren danbor hotsen laguntzarekin. Hilaren 4an eta 5ean erregeei gutunak bidaltzeko postontzia jarriko dute eliza atarian, arratsaldeko 16:00etatik 19:00etara bitartean.

Zestoara, aldiz, zaldi gainean helduko dira Errege Magoak. Akoa aldetik etorriko dira, arratsaldeko 18:30ean. San Juan egoitzan geldialdia egingo dute aurrena, eta gero herriko kaleak zeharkatuko dituzte. Ibilbidean zehar Gisasola egoitzan ere geldialdia egingo dute. Ondoren, haurren eskutitzak jasoko dituzte elizan.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide