Albisteak

Ostiralean amaituko da herriko elkarteek 2019rako diru laguntzak eskatzeko epea

— 2019-04-24

Pasa den martxoaren 27an zabaldu zen herriko elkarteek 2019rako diru laguntzak jaso ahal izateko epea eta datorren ostiralean, hilak 26, amaituko da. Laguntza jaso ahal izango dute Zestoan egoitza eta jardun eremua daukaten elkarteek edo entitateek. Salbuespen gisa, nahiz eta Zestoan egoitza ez izan, laguntza jaso ahal izango dute bere jardun eremua edo zati nabarmen bat Zestoan garatzen bada edo Udalak ekintza edo proiektua udalerriarentzat interesgarri jotzen badu.

Deialdiari buruzko informazio guztia Zestoako Udalaren webguneko esteka honetan duzue ikusgai.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide