Albisteak
Ostiralean hasiko dira Lasaoko Sanmartin jaiak
— 2019-11-06Ostiraletik astelehenera ospatuko dira aurtengo Lasaoko Sanmartin jaiak. Ostiraleko txupinazoarekin emango diete hasiera festei. Ondoren, bertso afaria izango dute elkartean, Maddalen Arzallus eta Andoni Egaña bertsolariekin. Larunbatean, haurren txanda izango da eta igandean, berriz, Lasaoko abere eta nekazal produktuen azoka-erakusketa egingo dute. Festak amaitzeko, meza nagusia eta auzoko jubilatuentzako hamaiketakoa egingo dituzte astelehenean.
Hemen duzue egitaraua:
Azaroak 8, ostirala
20:00. Txupinazoa.
20:30. Afaria Andoni Egaña eta Maddalen Arzallusekin. Ondoren, trikitilariak: Hitzeder eta Txibilter.
Azaroak 9, larunbata
13:00. Umeen txupinazoa eta argazki erraldoia. Gaztetxoen bazkaria eta jolasak.
16:30. Puzgarriak eta 17:00etan, txokolatada.
Azaroak 10, igandea
11:30. Idiakaitz Txistulari taldearen kalejira. Erraldoi eta buruhaundiak. Lasaoko abere eta nekazal produktuen azoka-erakusketa.
14:30. Bazkari herrikoia.
Azaroak 11, astelehena
11:00. Meza Nagusia eta Zestoako parrokiko abesbatza.
11:30. Auzoko jubilatuentzat hamaiketakoa.
Egin zaitez bazkide