Albisteak

Pardo-Etxeberria bikotea irabazle Zestoan jokatutako sega desafioan

— 2017-08-27

Igande eguerdian sega desafioa jokatu da Zestoan, lauiturrietako zelaian. Pardo-Etxeberria eta Gabirondo-Urki bikoteak elkarren aurka lehiatu dira txanda librean, bikote bakoitzak 9 sail moztu ditu. Lau segalari horiek 2017ko Euskal Herriko Sega Txapelketako finala jokatu zuten duela gutxi.

Lehia erabat parekatua izan da saio osoan zehar. Hasieran Pardo-Etxeberria bikoteak segundu gutxi batzuetako abantaila hartu du. Erditik aurrera Gabirondo-Urki bikoteak aurrera egin du eta amaierara arte lehia oso parekatua izan da. Amaieran Iban Pardo eta Jokin Etxeberria izan dira irabazleak.

Saioa bideoan ere grabatu dugu eta datozen egunetan argitaratuko dugu.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide