Azaroa 2025
— 2025-12-03Irakurri 276. zenbakia hemen.
Albisteak
Pazko Jaiak ospatuko dituzte larunbatean Aizarnan
Danbolin— 2025-05-29Aizarnarrak dagoeneko prest daude aurtengo Pazko Jaietarako eta hilaren 31rako egitarau zabala antolatu dute. Egun borobila izango da larunbatean Aizarnan eta goizetik hasita trikitilariak arduratuko dira giroa alaitzeaz.
Festa 11:00etan hasiko da ohiko artisauen azokarekin. Plazan hamaika postu bilduko dira: Aizarnako Eskolako ikasleak, Amalda Biobotanika, Ametsen Txokoa, Ertxiñeko Arrautza Ekologikoak, Iraia Belarritakoak, Ixiar eta Lurdes Akuarelak, Kike Kikorro, Lanaland, Maika Hand Made, Sara Sendabelarrak eta Uxoa Oihalezko Osagarriak izango dira.
Bitartean, 11:30ean, haurrentzako txokoa izango da. Eguerdi partean, berriz, 14:30ean, arkume errea bazkaltzeko aukera egongo da, txotxeko sagardoarekin lagunduta. Bazkarirako tiketak egun berean eskuratu ahal izango dira.
Aizarnako Herri Elkarteak bertaratzen diren guztiei baserritarrez janzteko deia zabaldu die.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
