Albisteak

Pentsiodunen bizikleta martxa Zestoatik pasa da

— 2022-06-14

Euskal Herriko Pentsiodunen Mugimenduaren I. bizikleta martxa Zestoara iritsi zen atzo arratsaldean. Zestoako Pentsiodunen Mugimenduko kideek eta Mikel Arregi alkateak egin zieten harrera Laranjadi plazan.

Atzo hasi zen martxa Donostian, eta hamahiru egunetan Euskal Herriko eskualde guztiak zeharkatuko ditu, pentsio publiko duinen aldeko borrokarekin jarraitzeko. Martxak hiru lelo izango ditu: 1.080 euroko gutxieneko pentsioak aldarrikatzea, zerbitzu publikoen defentsa eta zaintza lan partekatuen aitortza.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide