Albisteak
Pilota egokituko txapelketa jokatzen ari da Jurdan Arakistain
— 2021-04-19Hilabeteko geldialdiaren ostean, atzo ekin zieten berriro Gipuzkoako euskal pilota egokituko txapelketako jardunaldiei. Adimen urritasuneko kategoriko jokalariek txapelketako laugarren jardunaldia jokatu zuten Mutrikun. Jurdan Arakistain zestoarrak bi partida jokatu zituen eta ez zuen zorterik izan, biak galdu zituen. Hurrengo jardunaldia Alkizan izango da, maiatzaren 15ean.
Martxoaren 6an hasi zen Euskal Pilota Egokituko Gipuzkoako Txapelketa. Gipuzkoako Euskal Pilota Federazioak (GEPF) eta Gipuzkoako Kirol Egokituen Federazioak (GKEF) elkarlanean antolatutako eta Gipuzkoako Foru Aldundiak lagundutako txapelketa da.
Argazkia: Gipuzkoako Kirol Egokituen Federazioa
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide