Albisteak

Positibo bat zenbatu dute asteburuan Zestoan

Eskualdean aurreko asteburuan baino 40 kasu gehiago zenbatu dituzte.

Eusko Jaurlaritzako Osasun Sailak Covid-19aren bilakaeraren inguruko azken datuak kaleratu berri ditu. Txosten horren arabera, kasu bakarra atzeman dute Zestoan ostiraletik igandera bitartean egindako PCR eta antigeno frogetan. Intzidentzia metatua, 154,08 kasukoa da herrian.

Eskualdean, aurreko asteburuan baino 40 positibo zenbatu dituzte, 84 guztira. Gehienak Zumaian atzeman dituzte, 33 hain zuzen. Egoera ez da onera egiten ari han, eta 100.000 biztanleko azken hamalau eguneko intzidentzia tasak gora egiten jarraitzen du. Gaur gaurkoz, 824,26 kasuko intzidentzia metatua dute Zumaian. Zarautzen, 27 kasu zenbatu dituzte, hamabi Azkoitian, bost Azpeitian, hiru Getarian eta bi Aian. Errezilen, Beizaman eta Orion ez dute positiborik detektatu.

 




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide