Albisteak
Sahararen egoeraren inguruko hitzaldia izango da ostegunean, Alonderoko Kultur Aretoan
— 2020-11-17Saharako errealitatearen berri emateko hitzaldia antolatu dute Zestoako Gazte Asablandak eta Gipuzkoako Saharar errefuxiatuen komunitateak elkarlanean. Ostegun honetan izango da hitzordua, arratsaldeko 19:00etan, Alonderoko Kultur Aretoan.
1991tik indarrean dagoen su-eten akordioa hautsi zuen Marokok joan den ostiralean. Rabatek armada bidali zuen Guergueratera, herrialde okupatuaren eta Mauritaniaren arteko mugara, sahararren protesta bat desegitera. Hori dela eta, Mendebaldeko Sahararen eta Marokoren arteko tentsio militarrak gora egin zuen eta Fronte Polisarioak gerra egoera ezarri zuen Mendebaldeko Saharan. Gaur egungo egoera eta urte luze hauetan bizitakoak izango dituzte hizpide osteguneko saioan.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide