Albisteak

Joan den asteburuan hasi ziren Iraetako santainesak. Umeen eguna, pilota partidak, herri kirola ikuskizuna edo zuhaitz landaketa izan zituzten orduan. Asteburu honetan emango diete amaiera festei. Gaur, ostirala, Mus Txapelketa jokatuko da Bekoetxe merenderoan. Iluntzeko 22:00etan irekiko dute izen-ematea eta ordu-erdi beranduago hasiko da txapelketa. Bikote bakoitzak 30 euro ordaindu beharko ditu.

Larunbatean eguerdian hasi eta iluntzera bitartean izango da zer egina auzoan. Eguerdiko 13:00etan pintxo lehiaketa egingo dute Gure Ordeka elkartean eta 14:00etan, bazkaria. Arratsaldeko 20:00etan Zestoako batukada taldeak kaleak alaituko ditu eta 20:30ean garagardo afaria egingo dute frontoian. Festak  Iratzar taldearen erromeriarekin agurtuko dituzte.