Albisteak

Sektore publikoko langileek greba egingo dute gaur, lan-baldintzek okerrera egin dutelako eta behin-behinekotasun handia dutelako. Urriaren 25ean lehenengo greba egin zuten, abenduaren 19an bigarrena eta gaurkoa, hirugarrena izango da, langileen % 80 ordezkatzen duten sindikatuek deituta. Erakundeek eta politikariek elkarrizketarako borondatea adierazi duten arren, egoera ez da hobetu. Satse erizainen sindikatuak ez du deialdia babestu. Gaurko grebaren aldarrikapenen artean daude soldatak %10 igotzea eta langileen behin-behinekotasuna %8an kokatzea.

Zestoan zerbitzu publikoetan deituta dagoen grebarekin bat egin dute Zestoako Udaleko langileek. Gutxieneko zerbitzuak bermatuko dituzte egun guztian zehar baina honako udal eraikinak itxita egongo dira: udaletxea, kiroldegia, liburutegia eta kultur etxeko bulegoak.

Honako gutxieneko zerbitzuak izango dira:
• Gizarte zerbitzuek eskaintzen duten etxez-etxeko zaintza zerbitzuaren arreta pertsonala.
• Udaltzaina.
• Zestoako eta Arroabeko haurreskoletako garbiketa.