Albisteak
Sortzaile gazteak herrira hurbildu dira bertso poteoan
— 2016-12-29Hainbat sortzaile gazte egun hauetan Sastarrainen bildu dira. Gaur bertsoa izan dute “protagonista” eta herriko hainbat tabernatara etorri zaizkigu gazteak bertso-poteoa egitera.
Mintzola ahozko lantegiak sustatuta, abenduaren 26tik 30era Zestoako Sastarrain baserri eskolan ari dira egiten “Ahots Baten” sormen egonaldia, bigarren aldiz.
Ahozko sorkuntza lantzen, bertsotan, antzerkian, kantugintzan eta literaturan dabiltzan 15-20 urte bitarteko gazteak ari dira parte hartzen sormen egonaldian. Egunero adierazpide bat lantzeko aukera du taldeak eta sortzaile ezagunen bisitak dituzte. Bost eguneko egonaldi honetan harreman sare ederra osatu dute gazteek eta elkarrekin adierazpide ezberdinak esperimentatzen ari dira.
Irakurle, gure webgunean albiste hau irakurri baduzu, publizitate eta
erakundeen diru laguntzez gain, urtero 30 euroko diru ekarpena egiten
duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure
ekarpena egiten jarraitu nahi dugu. Proiektua sendotzen lagundu nahi
baduzu, egin zaitez bazkide.
Egin zaitez bazkide
Egin zaitez bazkide