Albisteak

Txoko feministak ekintzak antolatu ditu martxoaren 8rako

‘Feminismoak egingo gaitu herri’ lemapean, Zestoako Txoko Feministak, martxoaren 8rako hainbat ekintza antolatu ditu. Asteartean, 19:30ean, ekitaldia izango¬† da plazan eta ondoren, emakumeen afaria jubilatuen tabernan. Afarirako sarrerak koioten daude salgai igandera arte. Ikasle eta langabetuenak 8 eurotan eta langileenak 12 eurotan.

Zestoako Txoko Feministak, martxoaren 8ko eguna kalera irteteko eta aldarrikatzeko egun modura ulertzen du. Emakumeek jasaten duten zapalkuntzak aurpegi ugari dituela diote taldeko kideek, aurpegi laborala, prekarioa, zaintza emakumeen esku hartu beharraren aurpegia, etorkinen zapalkuntzaren aurpegia, kontrolaren aurpegia, kolpeena, burua makurtu beharrarena edo hilketena. Zestoan ere aurpegi hauetako asko daudela ohartarazi nahi dute eta herri osoa betaurreko moreak jantzi eta kalera ateratzeko deia egiten dute, feminismoak egingo baikaitu herri.

Bestalde azpimarratu nahi dute Zestoako emakumeen artean aniztasun handia dagoela eta taldearen helburua Txoko Feminista denen bilgunea izatea dela.




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide